ادري بيننا نهاية
ادري أن النهاية بتصير
ادري أنها بتصير نهاية غريبة بالنسبة لي
وبالنسبة لك بتكون نهاية
لا تسأل ليــه النهاية ؟
لأني ما اعرف الإجابة
بتدمع عيني.. وينجرح قلبي
وبتكون ذكرى غالية... وبتكون حلمي المفضل
بتكون أحلى أغنية أغنيها على مسامع الكون
بتكون النسمة اللي تداعب جفوني.. وتحرك شجوني
وادري انك بتكون أغلى وأخر حب مر بحياتي
وادري بكون بدنيتك ذكرى منسية
بكون ذكرى ضايعة في عالمك
بكون شي ماله وجود بحياتك
بكون شي صار وانتهى
أنا ادري وأنت تدري إن بيننا نهاية
لكن الفرق
أن قلبي يرفض أن نهايتنا تكون مثل أي نهـــايــة
ليست هناك تعليقات:
إرسال تعليق